Vi støtter oss til teoriar om at fysisk aktivitet og ei god fysisk helse verkar posistivt inn på mennesket si psykiske helse. Vi vil difor ha fysisk aktivitet og uteliv som satsingsområde, og ser det i samanheng med fokuset vi samtidig har på trygg tilknytning og eit sunt og næringsrikt kosthald. 

Fysisk aktivitet er viktig for barn og unge si helse. Vidare veit vi at utvikling av ein god og sunn livsstil i barneåra er viktig for god helse i vaksen alder. 

Vi vil at barna skal få oppleve glede og meistring, samt velvære og positiv livsutfalding gjennom deltaking i fysisk aktivitet både ute i barnehagen og på turar i naturen. Leik og fysisk aktivitet i Tusenfrydskogen skal vere eit naturleg alternativ gjennom heile barnehageåret. Turar i naturen trur vi bidreg til styrka felleskapskjensle og auka sosial kompetanse.

Både inne i barnehagen, ute og på tur skal barna inkluderast i aktivitetar der dei kan vere i bevegelse, leik og sosialsamhandling og oppleve utfordringar, motivasjon, mestring og glede ut frå sine føresetnader. Vi skal bidra til at barna blir kjent med kroppen sin og utviklar eit medvit om eigne og andre sine grenser.